ابدأ يومك بكوباية شاى بلبن سخنة مولعة أو عصير بيور بالبرتقال و الجزر..حضر الشنطة قبل ما تنام و حط فيها أى حاجة تحس أنها ممكن تنفعك فى يوم زى دة..يوم قررت انه هايكون حلو .
اتمشي الصبح بدرى و شم الهوا..مختلف فعلا عن الهوا المشموم قبل كدة بتاع بعد الظهر..عد الشجر و انت ماشي و اتفرج على الزلط الصغير اللى فى الأرض..اتعود تبص على كل حاجة مرتين و ركز فى الألوان و الملامح و العينين و اليُفط .
ابعت رسالة لطيفة لحد و خليك سبب ابتسامته البلهاء طول اليوم , و لما تقابل حد مكشر ابتسم فى وشه و متستناش منه رد ابتسامة..خالص يعنى !
اتفرج على العيال و هم رايحين المدرسة باليونيفورم و افتكر أيام ما كنت قصير كدة زيهم و اندهش على قد ما تقدر .
كلم "...." اللى كان بياكل سندويتشاتك فى المدرسة و قوله انك تخنت قوى عن زمان و انك نفسك تبطل أكل التنانين دة و انه بجد وحشك .
ممكن ترتاح على قهوة بس قبل ما تطلب سحلب افتكر انك هتأجل السحلب ليوم تانى يكون برد أكتر من كدة و اطلب كوباية شاى ( لو بتحب الشاى ) .
اركب المترو و فكر فى القصة الجاية اللى نفسك تكتبها أو المشروع المطلوب منك فى الشغل أو هدية عيد ميلاد مامتك.
لاعب الأطفال بحواجبك و مناخيرك و لو لقيتهم جريوا على أمهاتهم اعرف انهم عيال نكد و ان انت لسة برضو دمك خفيف.
راقب حركة التُوَك الصغيرة اللى فى شعر البنات اللى عندهم بالكتير تلات سنين و أمهاتهم سحباهم بسرعة لأن الشنط و الأكياس فعلا تقيلة و ابتسم .
صللى كل فرض فى جامع و فكر بتأنى فى دعوة حلوة و لما تحصل -حتى لو بعد سنين- افتكر تبص للسما بامتنان .
دوّر لسانك فى بوءك مرتين بس , مش سبعة زى ما الفرنساويين بيقولوا..مرة واحدة هتخليك تغلط كتير و سبع مرات هتخليك تسكت خالص .
احتفظ بتذاكر الأفلام اللى دخلتها و أثرت فيك و افتح كتب مدرستك القديمة و افتكر الأيام دى و لو ملقتهاش متربة , ممكن تشمها , و تفتكر حاجات كنت فاكر انك عمرك ما هتفتكرها .
اشرب مية كتير و افتكر ان مش كل حاجة لازم يبقى ليها طعم و ريحة و لون عشان يبقى ليها أثر فى حياتك .
صوّر كتير و ارسم كتير و اكتب كتير و الطع حاجتك فى كل حتة فى اوضتك .
حاول لما تسمع " حبوا بعضن " ما تزعلش و اسمع بعدها " ايه فيه أمل " .
ما تسمحش بسهولة ان حد يعكنن عليك..او حتى اقنع نفسك انك مش زعلان أوى يعنى ( والله احيانا بتنفع )
بكل الأحوال , حاول تخلّى اليوم دة مميز عشان لما تحتاجه تفتكره..و أكيد هتحتاجه .
اتمشي الصبح بدرى و شم الهوا..مختلف فعلا عن الهوا المشموم قبل كدة بتاع بعد الظهر..عد الشجر و انت ماشي و اتفرج على الزلط الصغير اللى فى الأرض..اتعود تبص على كل حاجة مرتين و ركز فى الألوان و الملامح و العينين و اليُفط .
ابعت رسالة لطيفة لحد و خليك سبب ابتسامته البلهاء طول اليوم , و لما تقابل حد مكشر ابتسم فى وشه و متستناش منه رد ابتسامة..خالص يعنى !
اتفرج على العيال و هم رايحين المدرسة باليونيفورم و افتكر أيام ما كنت قصير كدة زيهم و اندهش على قد ما تقدر .
كلم "...." اللى كان بياكل سندويتشاتك فى المدرسة و قوله انك تخنت قوى عن زمان و انك نفسك تبطل أكل التنانين دة و انه بجد وحشك .
ممكن ترتاح على قهوة بس قبل ما تطلب سحلب افتكر انك هتأجل السحلب ليوم تانى يكون برد أكتر من كدة و اطلب كوباية شاى ( لو بتحب الشاى ) .
اركب المترو و فكر فى القصة الجاية اللى نفسك تكتبها أو المشروع المطلوب منك فى الشغل أو هدية عيد ميلاد مامتك.
لاعب الأطفال بحواجبك و مناخيرك و لو لقيتهم جريوا على أمهاتهم اعرف انهم عيال نكد و ان انت لسة برضو دمك خفيف.
راقب حركة التُوَك الصغيرة اللى فى شعر البنات اللى عندهم بالكتير تلات سنين و أمهاتهم سحباهم بسرعة لأن الشنط و الأكياس فعلا تقيلة و ابتسم .
صللى كل فرض فى جامع و فكر بتأنى فى دعوة حلوة و لما تحصل -حتى لو بعد سنين- افتكر تبص للسما بامتنان .
دوّر لسانك فى بوءك مرتين بس , مش سبعة زى ما الفرنساويين بيقولوا..مرة واحدة هتخليك تغلط كتير و سبع مرات هتخليك تسكت خالص .
احتفظ بتذاكر الأفلام اللى دخلتها و أثرت فيك و افتح كتب مدرستك القديمة و افتكر الأيام دى و لو ملقتهاش متربة , ممكن تشمها , و تفتكر حاجات كنت فاكر انك عمرك ما هتفتكرها .
اشرب مية كتير و افتكر ان مش كل حاجة لازم يبقى ليها طعم و ريحة و لون عشان يبقى ليها أثر فى حياتك .
صوّر كتير و ارسم كتير و اكتب كتير و الطع حاجتك فى كل حتة فى اوضتك .
حاول لما تسمع " حبوا بعضن " ما تزعلش و اسمع بعدها " ايه فيه أمل " .
ما تسمحش بسهولة ان حد يعكنن عليك..او حتى اقنع نفسك انك مش زعلان أوى يعنى ( والله احيانا بتنفع )
بكل الأحوال , حاول تخلّى اليوم دة مميز عشان لما تحتاجه تفتكره..و أكيد هتحتاجه .
